BAKI, 10 iyun. TELEQRAF
Azərbaycan milli komandası yay təlim-məşq toplanışında ikinci yoldaşlıq oyununu keçirib.
Teleqraf xəbər verir ki, Fernandu Santuşun rəhbərlik etdiyi kollektiv evdə Macarıstan yığması ilə üz-üzə gəlib.
"Liv Bona Dea Arena"da təşkil olunan görüş qonaqların 2:1 hesablı qələbəsi ilə yekunlaşıb.
Belaruslu referi Viktor Şimusikin idarə etdiyi matçda hesabı 5-ci dəqiqədə macarların hücumçusu Barnabaş Varqa açıb.
3 dəqiqə sonra Azərbaycan millisinin futbolçusu Renat Dadaşov hesabı bərabərləşdirib.
Qarşılaşmada son nöqtəni 33-cü dəqiqədə İngiltərənin "Liverpul" klubunda çıxış edən Dominik Soboslai qoyub.
Bununla da, Azərbaycan millisinin qələbəsizlik seriyası 10-a çatıb.
Qeyd edək ki, Azərbaycan yığması iyunun 7-də səfərdə Latviya seçməsi ilə qolsuz heç-heçəyə razılaşıb.
***
21:03
Azərbaycan millisinin Macarıstanla yoxlama oyununda ikinci hissə başlayıb.
Teleqraf xəbər verir ki, “Liv Bona Dea Arena”da təşkil olunan görüşdə qonaqlar 2:1 hesabı ilə öndədir.
***
20:35
Azərbaycan - Macarıstan yoxlama oyununda qonaqlar hesabda önə keçib.
Teleqraf xəbər verir ki, macarların yarımmüdafiəçisi Dominik Soboslai 33-cü dəqiqəsində fərqlənib.
***
20:08
Azərbaycan millisi Macarıstanla keçirilən yoxlama oyununda hesabı bərabərləşdirib.
Teleqraf xəbər verir ki, yığmanın hücumçusu Renat Dadaşov 8-ci dəqiqədə qol vurub.
***
20:07
Macarıstan Azərbaycanla keçirilən yoxlama oyununda hesabı açıb.
Teleqraf xəbər verir ki, “Liv Bona Dea Arena”da təşkil olunan görüşün 5-ci dəqiqəsində Barnabaş Varqa fərqlənib.
***
20:00
Azərbaycan və Macarıstan milli komandaları arasında yoldaşlıq görüşü start götürüb.
Teleqraf xəbər verir ki, oyun “Liv Bona Dea Arena”da keçirilir.
10 iyun
Yoldaşlıq görüşü
20:00. Azərbaycan - Macarıstan - 1:2
Qollar: Renat Dadaşov, 8 - Barnabaş Varqa, 5, Dominik Soboslai. 33
Baş hakim: Viktor Şimusik (Belarus)
Baş hakimin köməkçiləri: Sergey Kasavets, Anton Qusev (hər ikisi Belarus)
Dördüncü hakim: Cavid Cəlilov (Azərbaycan)
Liv Bona Dea Arena.
