BAKI, 19 fevral. TELEQRAF

Ermənistan və Azərbaycan arasında Vaşinqton razılaşmalarından sonra Mərkəzi Asiyanı Ermənistan vasitəsilə Avropaya birləşdirmək kontekstində yeni imkanlar açılıb və Yunanıstan da bütün bu zəncirin çox vacib bir halqasıdır.

Teleqraf "Armenpress"ə istinadən xəbər verir ki, bunu Yunanıstanda səfərdə olan Ermənistan xarici işlər nazirinin müavini Vahan Kostanyan jurnalistlərlə söhbətində bildirib.

“Yunanıstan və Ermənistan Cənubi Qafqazda bu istiqamətdə əməkdaşlığı daha da gücləndirməlidir. Təkcə Yunanıstan deyil, həm də bir çox Aİ dövlətləri Ermənistana investisiya qoymaqda çox maraqlıdır”, - deyə Vahan Kostanyan bildirib.