BAKI, 29 oktyabr. TELEQRAF

Yaponiyanın paytaxtı Tokioya qonşu olan Tiba prefekturasının şimal-şərqində 5,5 maqnitudalı zəlzələ baş verib.

Teleqraf xəbər verir ki, bu barədə Yaponiya Meteorologiya Agentliyi məlumat yayıb.

Bildirilib ki, yeraltı təkanların ocağı 50 kilometr dərinlikdə yerləşib. Zəlzələ Tokionun şimal-şərq hissəsində də hiss olunub.

Sunami təhlükəsi elan edilməyib. Dağıntı və xəsarət alanlar barədə məlumat daxil olmayıb.

Qeyd edək ki, oktyabrın 28-də eyni bölgədə 5,4 maqnitudalı zəlzələ qeydə alınıb.