BAKI, 27 may. TELEQRAF

Heç bir ölkənin Hörmüz boğazına nəzarəti ələ keçirməsinə icazə verilməyəcək. Əgər hər hansı bir ölkə əsas beynəlxalq su yolu üzərində təkbaşına dominantlıq yaratmağa çalışarsa, Vaşinqton hərbi güc tətbiq etməkdən çəkinməyəcək.

Teleqraf xəbər verir ki, bunu ABŞ Prezidenti Donald Tramp bildirib.

Tramp çərşənbə günü aylıq Nazirlər Kabineti iclasının sual-cavab sessiyası zamanı bildirib: "Bunlar beynəlxalq sulardır. Heç kim onları idarə edə bilməyəcək. Biz onları izləyəcəyik. Biz nəzarəti təmin edəcəyik. Amma heç kimin onları idarə etməsinə icazə verməyəcəyik."

Trampın sözlərinə görə, boğaz üzərində nəzarət məsələsi davam edən pərdəarxası danışıqların bir hissəsidir. O, Tehranın regionda gəmiçiliyin idarə olunmasında özü üçün rəsmi rol qazanmağa çalışdığını deyib: "Bu, davam edən danışıqlarımızın bir hissəsidir. Onlar boğaza nəzarət etmək istəyirlər. Amma heç kim beynəlxalq sulara nəzarət etməyəcək".

Jurnalistlərin Hörmüz boğazına nəzarəti İran və Oman arasında bölüşdürəcək bir razılaşmaya razı olub-olmayacağı barədə sualına Tramp belə cavab verib:

"Oman da hamı kimi davranacaq. Əks təqdirdə, onları partlatmalı olacağıq. Onlar bunu çox yaxşı başa düşürlər. Beləliklə, onlarla hər şey yaxşı olacaq. Onlar bunu başa düşürlər".