BAKI, 23 may. TELEQRAF
İran ABŞ ilə dolayı danışıqların bir hissəsi olaraq, 3,6%-dən yuxarı uranın zənginləşdirilməsinin 10 il müddətinə dayandırılmasını təklif edib.
Teleqraf xəbər verir ki, bu barədə Səudiyyə Ərəbistanının " Əl-Hədəs" televiziya kanalı mənbələrə istinadən məlumat verib.
"İran 10 il müddətinə 3,6%-dən yuxarı uranın zənginləşdirilməsini dayandırmağı təklif edib. Bundan əlavə, Tehran iddialara görə, ölkə daxilində 20%-dən yuxarı zənginləşdirilmiş uranı qarışdırmağa hazır olduğunu bildirib" - məlumatda qeyd olunur.
Kanalın mənbələrinə görə, İran və ABŞ arasında imzalana biləcək memorandum layihəsində İslam Respublikası "nüvə silahı hazırlamamaq öhdəliyini" təsdiqləyib. Bunun müqabilində Tehran Vaşinqtondan nüvə dosyesi üzrə əlavə danışıqlardan əvvəl sanksiyaları tamamilə ləğv etməsini və aktivlərinin dondurulmasını ləğv etməsini tələb edib.
