BAKI, 30 aprel. TELEQRAF
Rusiya Prezidenti Vladimir Putin ölkəsinin Nüvə Silahlarının Yayılmaması Müqaviləsinin (NSYM) müddəalarına tam riayət etdiyini bildirib.
Teleqraf xəbər verir ki, bu barədə TASS agentliyi məlumat yayıb.
BMT-də keçirilən NSYM-in 11-ci baxış konfransının iştirakçılarına müraciətində Putin qeyd edib ki, Rusiya məsuliyyətli tərəf və müqavilənin depozitarlarından biri kimi sənədin həm mətninə, həm də ruhuna sadiq qalır.
Onun sözlərinə görə, mövcud mürəkkəb beynəlxalq şəraitdə nüvə silahından azad dünya quruculuğu istiqamətində əlavə çoxtərəfli səylərə ehtiyac var. Bu prosesdə isə heç bir ölkənin təhlükəsizliyinə zərər vurmamaq prinsipi əsas götürülməlidir.
Rusiya liderinin müraciətini tədbirdə ölkənin nümayəndə heyətinə rəhbərlik edən, Rusiya Xarici İşlər Nazirliyinin xüsusi tapşırıqlar üzrə səfiri Andrey Belousov səsləndirib.
