BAKI, 29 aprel. TELEQRAF
ABŞ Prezidenti Donald Tramp İranın dəniz blokadasına alınmasını bu ölkəyə zərbələr endirilməsindən daha səmərəli üsul hesab edir.
Teleqraf xəbər verir ki, bu barədə Ağ Ev rəhbəri "Axios" portalına müsahibəsində bildirib.
"Blokada müəyyən mənada bombardmanlardan daha effektivdir", - deyən D.Tramp ABŞ-nin tətbiq etdiyi dəniz blokadasının İran üçün daha ağır nəticələrə səbəb olacağını vurğulayıb.
O, həmçinin İranın hazırda münaqişənin nizamlanmasını istədiyini qeyd edib:
"Onlar blokadanın qüvvədə qalmasını istəmirlər. Mən isə blokadanı aradan qaldırmaq niyyətində deyiləm, çünki onların nüvə silahına sahib olmasını istəmirəm".
