BAKI, 10 aprel. TELEQRAF
Avropa Parlamentinin qapalı iclaslarında müzakirə olunan məsələlərlə bağlı məxfi məlumatlar Rusiyaya ötürülə bilər.
Teleqraf xəbər verir ki, bu barədə Avropa Parlamentinin prezidenti Roberta Metsolaya xəbərdarlıq məktubu göndərilib.
Məktubu Avropa Parlamentinin 10 üzvü imzalayıb. Məktubun müəllifləri Avropa Parlamentinin rəhbərliyini rusiyapərəst Avropa Parlamentinin üzvləri və onların köməkçiləri üçün məxfi məlumatlara çıxışı məhdudlaşdırmağa çağırıblar.
Məktubun yazılmasına Macarıstan hökumət nümayəndələrinin Aİ Şurasının iclaslarında əldə edilən məxfi məlumatları Rusiya hakimiyyət orqanlarına ötürdüyü barədə məlumatlar səbəb olub. Avropa Parlamentinin üzvləri Avropa Parlamentində də "oxşar risklərin" mövcud olmasından qorxurlar.
Məktubda deyilir: "Avropa Parlamentinin bəzi rusiyapərəst üzvlərinin məxfi məlumatlara çıxışının məhdudlaşdırılması yollarının tapılmasını xahiş edirik".
