BAKI, 8 mart. TELEQRAF

Çin və Hindistan BRİKS platformasında qarşılıqlı dəstək göstərərək məsuliyyətli əməkdaşlıq etməlidir.

Teleqraf xəbər verir ki, bu barədə Çin Xarici İşlər Naziri Van İ Pekində keçirilən mətbuat konfransında bildirib.

Nazir qeyd edib ki, hər iki ölkə BRİKS çərçivəsində əməkdaşlığı gücləndirməli və təşkilatın fəaliyyətinə daha fəal töhfə verməlidir.

“Çin və Hindistan BRİKS-də sədrliyimiz dövründə məsuliyyətli mövqe nümayiş etdirməli və bir-birinə dəstək olmalıdır. Bu il sədrliyi Hindistan, gələn il isə Çin həyata keçirəcək”, - deyə Van İ bildirib.

O vurğulayıb ki, Pekin və Nyu-Dehli BRİKS çərçivəsində əməkdaşlığı genişləndirərək qlobal Cənub ölkələri üçün yeni ümid yaratmalıdır.