BAKI, 2 aprel. TELEQRAF

Braziliya Konqresinin Federal Senatının üzvləri ABŞ Prezidenti Donald Trampın polad və alüminiuma tətbiq etdiyi tariflərə cavab olaraq, Braziliya hökumətinin eyni şəkildə tədbir görməsinə imkan verəcək qanun layihəsi təklif edib.

Teleqraf xəbər verir ki, bu barədə Federal Senatın mətbuat xidmətindən bildirilib.

Müzakirə olunan mövzular arasında, Braziliyanın məhsullarına qarşı məhdudiyyətlər tətbiq edən ölkələrdən gələn mallara əlavə gömrük rüsumları tətbiq etmək və ya ticarət və investisiya müqavilələrini dayandırmaq kimi addımlar var.

Əgər qanun layihəsi həm Federal Senatda, həm də Deputatlar Palatasında qəbul olunarsa, o zaman Prezident Luis İnasiu Lula da Silva tərəfindən təsdiqlənməlidir. Bu halda Braziliya hökuməti məhdudiyyət qoyan ölkələrə qarşı cavab tədbirləri tətbiq edə bilər.