BAKI, 19 iyun. TELEQRAF

Macarıstanın paytaxtı Budapeştdə keçirilən cüdo üzrə dünya çempionatında bu gün Azərbaycanın fərdi yarışda son təmsilçisi Uşangi Kokauri mübarizə aparacaq.

Teleqraf xəbər verir ki, 100 kq-dan yuxarı çəki dərəcəsində yer alan 33 yaşlı idmançının ilk görüşü 1/32 finala təsadüf edəcək.

O, serbiyalı İqor Vraçarla üz-üzə gələcək. Qələbə təqdirində, Kokauri 1/16 finalda kubalı Andi Qranda ilə qarşılaşacaq.

Dünya çempionatı
19 iyun
+100 kq
1/32 final. Uşangi Kokauri - İqor Vraçar (Serbiya)

Qeyd edək ki, indiyədək dünya çempionatında Azərbaycan cüdoçularından 3-ü - Zelim Tçkayev (81 kq), Elcan Hacıyev (90 kq) və Zelim Kotsoyev (100 kq) bürünc medal qazanıb, Rəşid Məmmədəliyev (73 kq) isə 7-ci yerlə kifayətlənib.

İyunun 20-də qarışıq komandalar arasında dünya çempionatı keçiriləcək. Azərbaycan yığması 1/8 finalda Almaniya ilə üz-üzə gələcək.