BAKI, 20 noyabr. TELEQRAF

Britaniya hökuməti ölkənin Avropa İttifaqına (Aİ) yenidən üzvlük məsələsini hazırkı parlamentin müzakirəsinə çıxarmağı planlaşdırmır.

Teleqraf xəbər verir ki, bu barədə Britaniyanın Baş naziri Endi Börnhem Aİ–Britaniya sammitindən sonra keçirilən mətbuat konfransında bildirib.

“Biz seçkiqabağı manifestimizin müddəalarına tam hörmətlə yanaşırıq. Aİ-də gələcəyimizlə bağlı heç bir qərar qəbul edilməyəcək. Bu məsələ parlamentin növbəti tərkibinin mülahizəsinə buraxılacaq”, - deyə o qeyd edib.

Bununla yanaşı, baş nazir sammitdə Britaniya və Aİ arasında razılaşdırılmış bir sıra sazişlərə dair qanun layihəsinin gələn həftə Britaniya parlamentinə təqdim olunacağını qeyd edib.

Xatırladaq ki, hazırkı parlamentin səlahiyyət müddəti 2029-cu ildə başa çatır.

Qeyd edək ki, Britaniyanın hakim Leyboristlər Partiyası ölkənin Avropa İttifaqının vahid bazarına və gömrük ittifaqına yenidən qoşulması, eləcə də Britaniya ilə İttifaq arasında insanların tam sərbəst hərəkətinin təmin edilməsi imkanını rədd edir.