BAKI, 15 sentyabr. TELEQRAF

Hərbi çağırışdan boyun qaçıran şəxslərin barəsində cinayət işi başlanıb.

Bu barədə Teleqraf-a Hərbi Prokurorluqdan bildirilib.

Məlumata görə, Hərbi Prokurorluqda Səfərbərlik və Hərbi Xidmətə Çağırış üzrə Dövlət Xidmətindən daxil olmuş materiallar üzrə aparılmış araşdırma nəticəsində iki çağırışçının tibb müayinələrin nəticələrinə əsasən hərbi xidmətə yararlı hesab olunduqları halda, qanuni əsas olmadan növbəti hərbi çağırışdan boyun qaçırmaları faktı üzrə Azərbaycanın Cinayət Məcəlləsinin müvafiq maddələri ilə cinayət işi başlanıb.

Diqqətə çatdırılır ki, qanuni əsas olmadan hərbi çağırışdan boyun qaçıran şəxslərin barəsində ciddi tədbirlər görüləcəkdir.