İSRAİL, 2 sentyabr. TELEQRAF

Bu gün azərbaycanlı jurnalistlər İsrail-Livan sərhədində olublar.

Teleqraf-ın İsrailə ezam edilmiş əməkdaşı xəbər verir ki, jurnalistlərə sərhəd bölgəsində baş verən son hadisələr və ərazidəki mövcud vəziyyət barədə məlumat verilib.

Jurnalistlər həmçinin İsrail-Livan sərhədində təhlükəsizlik vəziyyəti ilə tanış olublar.

Qeyd edək ki, iyunun 26-da İsrail və Livan arasında ABŞ-nin vasitəçiliyi ilə çərçivə sazişi imzalanıb.

Sazişdə "Hizbullah"ın tərksilah edilməsi, Livan ordusunun ölkədə yeganə hərbi güc olması və İsrail ordusunun Livan ərazisini tərk etməsi nəzərdə tutulub.