BAKI, 10 sentyabr. TELEQRAF

Bizim qarşımızda duran sual artıq şəhərlərin iqlim fəaliyyəti üçün əhəmiyyət kəsb edib-etməməsi deyil.

Teleqraf xəbər verir ki, bunu Dövlət Şəhərsalma və Arxitektura Komitəsinin sədri Anar Quliyev "Təsir Dialoqu - Öhdəlikdən Təqdimata: İqlim-Şəhər Tərəfdaşlıqları Vasitəsilə Sağlam, Davamlı Şəhərlər" adlı tədbirdə çıxışı zamanı deyib.

Onun sözlərinə görə, məsələ tanınmadan necə icraya keçməyimiz, bu icranı necə ölçülə, miqyaslana bilən və dayanıqlı etməyimizdədir.

"Milli iqlim öhdəlikləri harada və necə tikdiyimiz, mənzil və infrastrukturu necə təmin etdiyimiz, insanların hərəkətini necə təşkil etdiyimiz, torpaq və təbii sistemləri necə idarə etdiyimiz və icmaları iqlim risklərindən necə qoruduğumuzla bağlı yerlər barədə qərarlar vasitəsilə reallığa çevrilir.

Məhz buna görə də şəhər və ərazi planlaşdırılması sadəcə bir çox sektorlardan biri deyil. Bu, bir icra mexanizmidir. Planlaşdırma iqlim ambisiyasını xüsusi prioritetlərə və investisiya qərarlarına çevirir", - o vurğulayıb.