GƏNCƏ, 2 iyun. TELEQRAF

İmamzadə ziyarətgah kompleksinin imamı, Qafqaz Müsəlmanları İdarəsinin Gəncə bölgəsi üzrə qazisi Hacı Tahir Abbasovun görmə qabiliyyətində problem yaranıb.

Teleqraf xəbər verir ki, şəkər xəstəliyindən əziyyət çəkən T.Abbasov bir müddət öncə paytaxtda gözündən əməliyyat olunub. Hazırda onun digər gözündə də problem yaranıb və görmə qabiliyyətini, demək olar ki, itirib.

İlkin ehtimala görə, buna səbəb əməliyyatın düzgün aparılmamasıdır. T. Abbasovun Bakı şəhərində yenidən əməliyyat olunacağı bildirilir.