SAMUX, 22 fevral. TELEQRAF

Kür çayının Samux rayonunun Qaraağaclı kəndi ərazisindən keçən hissəsində batan 1999-cu il təvəllüdlü Muşviq İsmayılov və 2003-cü il təvəllüdlü İsmayıl Şubliyevin axtarışları davam edir.

Bu barədə Teleqraf-ın yerli bürosuna həmin şəxslərin yaxınları bildiriblər.

Məlumat üçün qeyd edək ki, hər iki şəxs fevralın 19-da Kürdə batıblar.

Fövqaladə Hallar Nazirliyinin (FHN) Kiçikhəcmli Gəmilərə Nəzarət və Sularda Xilasetmə Dövlət Xidmətinin xilasediciləri ərazidə axtarış işləri aparırlar.