BAKI, 24 oktyabr. TELEQRAF
Bu gün Azərbaycan Premyer Liqasında IX turun daha iki oyunu keçiriləcək.
Teleqraf xəbər verir ki, günün ilk qarşılaşmasında “Şəfa” Sumqayıtda “SOCAR Polymer Arena”da “Kəpəz”lə üz-üzə gələcək.
Saat 16:30-da başlayacaq görüşün baş hakimi Cavid Cəlilov olacaq.
Günün digər matçında “Neftçi” “Turan Tovuz”u qəbul edəcək. “Palms Sports Arena”da keçiriləcək qarşılaşma saat 19:00-da başlayacaq. Oyunu Əli Əliyev idarə edəcək.
Xatırladaq ki, turun əvvəlki oyunlarında “Qəbələ” səfərdə “Araz-Naxçıvan”a 2:1, “Zirə” isə evdə “Sumqayıt”a 3:2 hesabı ilə qalib gəlib. “İmişli” – “Şamaxı” və “Sabah” – “Qarabağ” matçları isə sabah keçiriləcək.
Azərbaycan Premyer Liqası
IX tur
24 oktyabr
16:30. “Şəfa” – “Kəpəz”
Hakimlər: Cavid Cəlilov, Kamran Bayramov, Müslüm Əliyev, Kamran Əliyev
VAR: Vüqar Həsənli
AVAR: Namiq Hüseynov
Hakim-inspektor: Ramil Diniyev
AFFA nümayəndəsi: Asif Əliyev
“SOCAR Polymer Arena”
19:00. “Neftçi” – “Turan Tovuz”
Hakimlər: Əli Əliyev, Rəhman İmami, Rahil Ramazanov, Elvin Bayramov
VAR: Rəvan Həmzəzadə
AVAR: Şirmamed Mamedov
Hakim-inspektor: Asim Xudiyev
AFFA nümayəndəsi: Zümrüd Ağayeva
“Palms Sports Arena”
