BAKI, 15 oktyabr. TELEQRAF
Ukrayna yığması Azərbaycan millisini 2:1 hesabı ilə məğlub etdiyi DÇ-2026-nın seçmə mərhələ oyununda antirekorda imza atıb.
Teleqraf xəbər verir ki, Ukrayna seçməsi ardıcıl 11-ci matçında qapısından top keçirilməsinin qarşısını ala bilməyib.
Sergey Rebrovun rəhbərlik etdiyi kollektiv bu göstəricidə 2021-ci ildə qeydə alınan antirekordu təkrarlayıb.
Daha bir diqqətçəkən məqam isə bu göstəriciyə görə Ukraynanın UEFA-ya üzv 54 Avropa yığması arasında iki komanda ilə eyni sırada yer almasıdır. Hazırda yalnız Ermənistan və San-Marino yığmaları da son 11 oyunda qapılarının toxunulmazlığını qoruya bilməyiblər.
Qeyd edək ki, Ukrayna millisi növbəti oyununu noyabrın 13-də Fransaya qarşı keçirəcək.
