BAKI, 11 fevral. TELEQRAF

BB vəzifə altqrupu və dövlət qulluğunda fəaliyyətin davam etdirilməsi üzrə 16 fevral tarixində keçiriləcək test imtahanlarında iştirak edəcək namizədlər “İmtahana buraxılış vərəqəsi”ni çap edə bilərlər.

Bu barədə Teleqraf-a Dövlət İmtahan Mərkəzindən məlumat verilib.

Qeyd edilib ki, namizəd imtahana gələrkən şəxsiyyətini təsdiq edən sənədin əslini və “İmtahana buraxılış vərəqəsi”ni mütləq gətirməlidir.

Göstərilən sənədlərdən hər hansı biri olmazsa və ya sənədlər arasında uyğunsuzluq olarsa, namizəd imtahana buraxılmır.