BAKI, 20 oktyabr. TELEQRAF
ABŞ hakimiyyəti tərəfindən Kubanın keçmiş lideri Raul Kastronun həbs orderinin verilməsi seçki məzhəkəsi və sirk şousudur.
Teleqraf xəbər verir ki, bunu Kuba prezidenti Migel Dias-Kanel bildirib.
O, X-də yazıb: "Ordu generalına qarşı görülən hərəkətlər seçki mülahizələri ilə diktə edilən acınacaqlı Mayami sirkidir. Onların heç bir hüquqi əsası yoxdur və heç vaxt olmayacaq. Kuba əleyhinə siyasətçilər tərəfindən yalançı hüquqi formada geyindirilən və Raul və Kubaya qarşı yönəlmiş bu manevr aqressiv gündəmin bir hissəsidir və təşəbbüskarlarının xalqımızın blokadasını və kollektiv cəzasını haqlı çıxarmağa çalışarkən üzləşdiyi çətinliklərlə izah olunur".
Daha əvvəl Florida məhkəməsi 95 yaşlı Kubanın keçmiş lideri Raul Kastro barəsində həbs orderi vermişdi. May ayında Amerika hakimiyyəti Kastronu qətl, təyyarənin məhv edilməsi və Amerika vətəndaşlarını öldürmək üçün sui-qəsddə ittiham etmişdi. İş üzrə daha beş nəfər təqsirləndirilən şəxs kimi qeyd olunur. CBS News-un məlumatına görə, ittihamlar 1996-cı ildə Kuba Hərbi Hava Qüvvələrinin Mayamidə yerləşən "Brothers to the Rescue" sürgün təşkilatına məxsus iki təyyarəni vurması hadisəsi ilə əlaqəli ola bilər.
