BAKI, 26 mart. TELEQRAF
ABŞ Prezidenti Donald Tramp Vaşinqton və Tehranın münaqişəyə son qoymaq üçün razılığa gələ bilib-bilməyəcəyini bilmədiyini qeyd edib.
Teleqraf xəbər verir ki, o, bu barədə Ağ Evdə keçirilən kabinet iclasında deyib.
O, İrana istinad edərək deyib: "Onlar razılaşma üçün yalvarırlar. Mən yox".
ABŞ Prezidenti əlavə edib ki, onlar bizdən razılaşma əldə etməyimizi xahiş edirlər: "Bunu edə biləcəyimizi bilmirəm. İstəyib-istəməyəcəyimizi bilmirəm. Bunu dörd həftə əvvəl etməli idilər. İki il əvvəl etməli idilər".
