BAKI, 4 mart. TELEQRAF
İranın İslam İnqilabı Keşikçiləri Korpusu (SEPAH) İranla davam edən münaqişə zamanı ABŞ və İsrailin 680-dən çox hərbçisinin həlak olduğunu və yaralandığını iddia edib.
Teleqraf xəbər verir ki, bu barədə SEPAH-ın mətbuat xidməti məlumat yayıb.
Bəyanatda bildirilib ki, kəşfiyyat mənbələrinin hesabatları və döyüş meydanındakı müşahidələrə əsasən, qarşı tərəfin itkiləri döyüşlərin dördüncü gününə qədər 680-dən çox ölü və yaralıya çatıb.
Bununla yanaşı, ABŞ-nin Mərkəzi Komandanlığı daha əvvəl İrana qarşı əməliyyat zamanı cəmi altı amerikalı hərbçinin həlak olduğunu açıqlamışdı.
