BAKI, 28 fevral. TELEQRAF

İsrailin Baş naziri Benyamin Netanyahu İran xalqını küçələrə çıxmağa və hökuməti devirməyə çağırdı.

Teleqraf xəbər verir ki, o, bu barədə televiziya çıxışı zamanı bildirib.

Netanyahu ivrit dilində yazılmış və İsrail televiziyasında yayımlanan çıxışında deyib: "Yaxın günlərdə İran xalqına azadlıq qazanmaq imkanı vermək üçün hər şeyi etmək niyyətindəyik, ona görə də yenidən İran xalqına müraciət edərək deyirəm. Boş oturmayın, çox tezliklə bu işi bitirmək və totalitar rejimi devirmək üçün küçələrə çıxmalı olacağınız an gələcək".