BAKI, 24 yanvar. TELEQRAF
ABŞ Venesuelada neft hasilatını sürətləndirmək üçün başda "Chevron" olmaqla, xam neft istehsalçıları və neft xidməti təminatçıları ilə danışıqlar aparır.
Teleqraf xəbər verir ki, bu barədə "Bloomberg" agentliyi məlumat yayıb.
Rəsmilər köhnəlmiş avadanlıqların dəyişdirilməsi və köhnə quyuların təkmilləşdirilməsi üçün SLB, Halliburton və Baker Hughes şirkətlərinin cəlb edilməsi imkanlarını müzakirə ediblər.
Bundan əlavə, ABŞ prezidenti Donald Trampın sözlərinə görə, ABŞ bu ayın əvvəlində ələ keçirilmiş Venesuela tankerlərində olan nefti götürüb və onu Amerika neft emalı zavodlarında emal edəcək.
