BAKI, 9 dekabr. TELEQRAF

Böyük Britaniya Rusiya əleyhinə sanksiyalar siyahısını yeddi maddə ilə genişləndirib və siyahıya filosof Aleksandr Duqin və Rybar hərbi-analitik mərkəzi, o cümlədən onun direktoru Mixail Zvinçuk da daxil edilib.

Teleqraf xəbər verir ki, bu barədə Britaniya hökumətinin veb saytında yerləşdirilən yenilənmiş sənəddə bildirilib.

Bundan əlavə, Xaricdə Yaşayan Həmvətənlərin Hüquqlarının Müdafiəsi və Dəstəyi Fonduna, Geosiyasi Ekspertiza Mərkəzinə və Brüsseldə yerləşən "Golos" və "Euromore" informasiya resurslarına məhdudiyyətlər tətbiq edilib. Sanksiyalara Birləşmiş Krallığa girişin qadağan edilməsi və aşkarlanarsa, aktivlərin dondurulması daxildir.

Məhdudiyyətlərin tətbiqinin əsası, bu fiziki və hüquqi şəxslərin "Ukraynanın ərazi bütövlüyünü, suverenliyini və ya müstəqilliyini sarsıdan və ya təhdid edən" siyasətləri təşviq etməkdir.

Britaniya hakimiyyəti həmçinin Çinin "Integrity Technology Group Incorporated" şirkətinə qarşı sanksiyalar elan edib. Şirkətin Böyük Britaniyanın dövlət sektorunun İT sistemlərinə müdaxilə etmək üçün gizli bot şəbəkəsini idarə etdiyi bildirilir.