BAKI, 18 oktyabr. TELEQRAF
NATO ölkələri Ukraynaya artıq köhnəlmiş, o cümlədən İkinci Dünya müharibəsi illərinə aid silahlar göndərir.
Teleqraf xəbər verir ki, bu barədə Rusiya KİV-ləri Moskvanın güc strukturlarındakı mənbəyə istinadən xəbər verir.
Mənbənin sözlərinə görə, alyans bu yolla köhnə silahları utilizasiya edir.
“Xüsusilə, Ukrayna Silahlı Qüvvələrinin 42-ci ayrı mexanikləşdirilmiş briqadası ABŞ istehsalı olan, 1942-ci ildə silahlanmaya qəbul edilmiş 155 millimetrlik M114A1 haubitsaları alıb”, - deyə mənbə bildirib.
O əlavə edib ki, bu cür silahların müasir döyüş şəraitində effektivliyi çox aşağıdır və onların texniki göstəriciləri yeni modellərlə müqayisədə zəifdir.
