BAKI, 8 avqust. TELEQRAF
Yaponiya alimləri ilə Novosibirsk Fundamental və Kliniki İmmunologiya Elmi-Tədqiqat İnstitutunun xərçəng xəstəliyinə qarşı CAR-T hüceyrə terapiyasının yaradılması üzrə birgə tədqiqatları dayandırılıb.
Teleqraf xəbər verir ki, bu barədə institutun direktoru Aleksandr Silkov TASS-a bildirib.
Onun sözlərinə görə, rus qrupu hazırda tədqiqatları müstəqil şəkildə davam etdirir.
CAR-T terapiyası, xərçənglə mübarizə aparmaq üçün xəstənin öz T hüceyrələrinin genetik olaraq dəyişdirildiyi bir immunoterapiya növüdür.
Silkov bildirib: "Düşünürəm ki, uzunmüddətli perspektivdə beynəlxalq təmaslardan qaçmaq olmaz. Elmi sahə informasiya, təcrübə və bacarıqların mübadiləsini tələb edən sahədir. Düşünürəm ki, əlaqələr olacaq".
