BAKI, 2 aprel. TELEQRAF

Banqkokda baş verən zəlzələ nəticəsində ölənlərin sayı 22-yə çatıb.

Teleqraf xəbər verir ki, bu barədə “Thai PBS” telekanalı xəbər yayıb.

Məlumata görə, Çatuçak rayonunda Milli Audit İdarəsinin binasının uçması nəticəsində 15 nəfər həlak olub. Son dörd gün ərzində onların cəsədləri dağıntılar altından çıxarılıb. Daha 72 nəfər hələ də itkin sayılır.

Qeyd edək ki, martın 28-də Myanmada bir neçə güclü zəlzələ olub. Onlardan birinin maqnitudası 8,2 bala çatıb. Zəlzələlər Tayland, Çin və Vyetnamda hiss olunub. Banqkokda tikilməkdə olan çoxmərtəbəli bina yeraltı təkanlar nəticəsində uçub. Ölkədə fövqəladə vəziyyət yalnız aprelin 1-də ləğv edilib.