BAKI, 11 fevral. TELEQRAF

Hazırda ABŞ hakimiyyətinin Ukraynadakı münaqişəyə son qoymaq üçün konkret planı yoxdur.

Teleqraf xəbər verir ki, adı açıqlanmayan avropalı məmur "Fox News"a deyib.

“Münaqişəyə son ​​qoymaq üçün bütün variantlar nəzərdən keçirilir. Hərəkət istiqamətini ABŞ Prezidenti Donald Tramp müəyyən edəcək”, - o qeyd edib.

Onun fikrincə, Tramp, Rusiya prezidenti Vladimir Putin və Ukrayna lideri Volodimir Zelenski arasında danışıqlar çətinliklə baş tutacaq. Rəsmi əlavə edib ki, sanksiyaların sərtləşdirilməsi üçün çoxlu imkanlar var.