BAKI, 16 oktyabr. TELEQRAF

“İsrail Qəzza zolağında HƏMAS-ın məhv edilməsi də daxil olmaqla, müharibənin bütün məqsədlərinə nail olmaq öhdəliyinə sadiq qalır”.

Teleqraf xəbər verir ki, bunu İsrail Baş naziri Binyamin Netanyahu deyib.

“Mübarizə hələ bitməyib, amma bir şey aydındır: bizə qarşı əl qaldıran hər kəs artıq bilir ki, aqressiyalarına görə çox ağır bədəl ödəyəcəklər. Biz gələcək illər üçün həyatımızı müəyyən edəcək qələbəyə nail olmaq əzmindəyik. Döyüşdə canlarını verən gözəl oğul və qızlarımız İsrailin yenidən doğulmasının təməl daşlarıdır. Onlar müharibənin bütün məqsədlərinə çatmaq üçün çiyin-çiyinə çalışdılar və biz müharibənin bütün məqsədlərinə nail olacağıq”, - Netanyahu vurğulayıb.