BAKI. 3 avqust. TELEQRAF
Böyük Britaniya Qəzza sektorundan müalicə məqsədilə 300-ə qədər uşağı çıxarmağı planlaşdırır.
Teleqraf xəbər verir ki, bu barədə “Times” nəşri məlumat yayıb.
"Yüzlərlə ağır xəstə uşaq Qəzzadan təxliyə ediləcək və müalicə olunacaq", - nəşrdə qeyd olunur.
Proqramın detallarının yaxın bir neçə həftə ərzində elan ediləcəyi bildirilir.
Qeyd edək ki, Qəzza Səhiyyə Nazirliyinin məlumatına görə, münaqişə müddətində anklavdan ümumilikdə 7 mindən çox xəstə, o cümlədən 5 min uşaq təxliyə edilib. Onların əksəriyyəti Misir, BƏƏ və ya Qətərə aparılıb. Bundan əlavə, təxminən 200 uşağın İspaniya, İtaliya, İrlandiya, Norveç və Rumıniya daxil olmaqla Avropa ölkələrinə təxliyə edildiyi bildirilir.
