BEYLƏQAN, 6 dekabr. TELEQRAF
Beyləqanda baş verən avtomobil qəzası zamanı yaralananların müalicəsi davam edir.
Bu barədə Teleqraf-a Beyləqan Rayon Mərkəzi Xəstəxanasından bildirilib.
Qeyd edilib ki, 06.12.2025-ci il tarixdə saat 19:00 radələrində Beyləqan rayonunda avtoqəza hadisəsi səbəbilə 2 nəfər (kişi) Beyləqan Rayon Mərkəzi Xəstəxanasına hospitalizasiya olunub.
1968-ci il təvəllüdlü şəxsə və 1972-ci il təvəllüdlü şəxsə kəllə beyin travması, komatoz vəziyyət diaqnozu təyin olunub.
Xəsarət alan şəxslərin müalicəsi isə Beyləqan Rayon Mərkəzi Xəstəxanasında davam etdirilir. Vəziyyətləri ağır olaraq qiymətləndirilir.
Hadisə nəticəsində 1 nəfərin həkiməqədər ölüm faktı qeydə alınıb.
****
21:16
Beyləqanda baş verən avtomobil qəzası zamanı ölən və yaralananların kimliyi məlum olub.
Teleqraf-ın Qarabağ bürosunun xəbərinə görə, Məmmədov Nizami Zahid oğlu həyatın itirib.
Məmmədov Hafiz Atamoğlan oğlu və Namazəliyev Rövşən Bəylər oğlu ağır xəsarət alıb.
Yaralılar Beyləqan rayon Mərkəzi Xəstəxanasına yerləşdirilib.
****
20:22
Beyləqanda avtomobil aşıb ölən və yaralılar var.
Teleqraf-ın Qarabağ bürosunun xəbərinə görə, yol- nəqliyyat hadisəsi rayon ərazisində baş verib.
Hərəkətdə olan "Mercedes" markalı avtomobil idarəetmədən çıxaraq yol kənarına aşıb.
Qəza zamanı 1 nəfərin öldüyü, 2-nin isə yaralandığı bildirilir.
Faktla bağlı araşdırma aparılır.
