Bakıda iki obyektin fəaliyyəti məhdudlaşdırılıb

BAKI, 6 avqust. TELEQRAF

Vətəndaş müraciətləri əsasında Bakı şəhərinin Nərimanov və Səbail rayonlarında fəaliyyət göstərən iki ictimai iaşə obyektində plandankənar yoxlamalar aparılıb.

Teleqraf xəbər verir ki, bu barədə Azərbaycan Respublikasının Qida Təhlükəsizliyi Agentliyi (AQTA) məlumat yayıb.

Bildirilib ki, hər iki müəssisənin qida təhlükəsizliyi qeydiyyatından keçmədən fəaliyyət göstərdiyi, sanitariya-gigiyena və texnoloji tələblərin pozulduğu müəyyən edilib.

"Obyektlərdə havalandırma sistemləri ilə bağlı çatışmazlıqlar, eləcə də digər uyğunsuzluqlar aşkarlanıb.

Aşkarlanmış nöqsanlarla bağlı inzibati protokollar tərtib edilib. Nöqsanlar aradan qaldırılanadək obyektlərin fəaliyyəti məhdudlaşdırılıb. Unlu məmulatların istehsalı ilə məşğul olan müəssisədən götürülmüş məhsul nümunələri laborator müayinəyə göndərilib.

Hər iki faktla bağlı araşdırmalar davam etdirilir", - məlumatda qeyd olunub.