BAKI, 11 oktyabr. TELEQRAF

Moskva vilayətinin Krasnoqorsk şəhərində yerləşən “Crocus City Hall”da törədilmiş terror aktından zərərçəkənlər hücum edənlərin qohumlarından və digər yaxın şəxslərindən maddi və mənəvi zərərin ödənilməsini tələb edə biləcəklər.

Teleqraf TASS-a istinadən xəbər verir ki, bu qərar “Crocus City Hall” hadisəsində zərərçəkən Aleksandr Zaqoskinin konsert təşkilatçısına qarşı qaldırdığı iddia ilə bağlı məhkəmə materiallarında yer alıb.

“Terror aktı nəticəsində dəymiş zərərin, o cümlədən mənəvi zərərin ödənilməsi terror aktını törətmiş şəxsin hesabına, habelə onun yaxın qohumlarının və yaxın şəxslərinin pulun, qiymətli əşyaların və digər əmlakın terrorçuluq fəaliyyəti nəticəsində əldə edildiyini və bu cür fəaliyyətdən əldə edildiyini güman etmək üçün kifayət qədər əsaslar olduqda, terror aktını törətmiş şəxsin vəsaiti hesabına həyata keçirilir", - sənəddə bildirilir.