AĞDAŞ, 2 aprel. TELEQRAF

Ağdaşda baş verən yol qəzası nəticəsində iki avtomobil su kanalına düşüb. Hadisə rayonun Hüşün kəndi yaxınlığında baş verib.

Teleqraf-ın yerli bürosunun məlumatına görə, qəza "VAZ 2107" markalı avtomobilin dayanıqlı vəziyyətdə olan "VAZ 2109" markalı avtomobilə çırpılması ilə baş verib.

Zərbənin təsirindən hər iki avtomobil su kanalına aşıb.

Qəza nəticəsində xəsarət alan rayon sakinləri 1997-ci il təvəllüdlü Toğrul Qədirov və 1955-ci il təvəllüdlü Kərim Məmmədov xəstəxanaya çatdırılıblar. Hadisə ilə bağlı araşdırmalar aparılır.