QUSAR, 3 aprel. TELEQRAF

Qusar rayonunun Cibir kənd tam orta məktəbinin direktoru Dair Məcidov kafedə dava salıb.

Teleqraf-ın əldə etdiyi xəbərə görə, hadisə bir neçə gün əvvəl baş verib.

O, tanışı ilə birlikdə Qusar şəhərində yerləşən “Bahar” kafesində yemək yeyib, spirtli içi qəbul edib. Daha sonra tərəflər arasında mübahisə yaranıb. Mübahisə sonradan davaya çevrilib.

Hadisə yerinə Qusar Rayon Polis Şöbəsinin əməkdaşları gəlib. Məktəb direktoru və tanışı saxlanılıblar.

Yemək-içmək və davada iştirak edən şəxs Dair Məcidovun onu söyüb təhqir etdiyini və vurduğunu bildirib.

Hadisə ilə bağlı İnzibati Xətalar Məcəlləsinə əsasən, protokol tərtib olunub və Qusar Rayon Məhkəməsinə göndərilib.

Məhkəmənin qərarı ilə inzibati xəta haqqında işə xitam verilib və direktor D.Məcidov sərbəst buraxılıb.