ŞƏMKİR, 3 aprel. TELEQRAF

Şəmkir rayonunda yanıq xəsarətləri alan şəxs vəfat edib.

Teleqraf-ın yerli bürosu xəbər verir ki, martın 21-də Bakı şəhərindəki xəstəxanalardan birinə yerləşdirilən Tovuz rayon sakini, 23 yaşlı Yusifov Namiq Fazil oğlu (2002) ölüb.

Qeyd edək ki, hadisə Şəmkir rayonunun Tatarlı kəndində baş vermişdi. Tanışının evinə qonaq gələn şəxs fərdi yaşayış evinin hamam otağında küstar üsulla hazırlanan sobada baş vermiş ani alışma səbəbindən yanıq xəsarətləri alıb. Yaralı ilk olaraq, Şəmkir rayon Mərkəzi Xəstəxanasına oradan isə Bakı şəhərindəki tibb müəssisələrindən birinə yerləşdirilib.

Xəsarət alan səxsə 2-ci dərəcəli yanıq xəsarətləri diaqnozu qoyulub. O, yerləşdirildiyi xəstəxanada vəfat edib.