BAKI, 3 aprel. TELEQRAF

Macarıstan Beynəlxalq Cinayət Məhkəməsi (BCM) ilə əməkdaşlıq öhdəliklərini qorumağa davam edir. Baxmayaraq ki, məhkəmədən çıxmaq qərarı verib.

Teleqraf xəbər verir ki, bu barədə BCM-in mətbuat xidməti məlumat yayıb.

Məlumatda deyilir: "Macarıstan hələ də BCM ilə əməkdaşlıq etmək öhdəliyini daşıyır".

Macarıstan Baş naziri Viktor Orbanın aparat rəhbəri Zoltan Kovaks aprelin 3-də bildirib ki, hökumət BCM ilə əməkdaşlığı dayandırmaq qərarına gəlib. Kovaks, bu qərarın Haaqadakı məhkəmənin siyasətə meyilli olması səbəbindən verildiyini açıqlayıb.

Qeyd edək ki, Macarıstanın BCM-dən çıxmaq qərarı İsrail Baş naziri Benyamin Netanyahu-nun Budapeştdəki səfəri ilə eyni vaxta təsadüf edir.

Xatırladaq ki, keçən ilin noyabrında BCM Netanyahu-nun həbsinə qərar verib, onu Fələstində müharibə cinayətləri və insanlığa qarşı cinayətlərdə ittiham edib.