BAKI, 5 mart. TELEQRAF

İlkin ehtimala görə, Göygöldə dörd nəfərin ölüm səbəbi dəm qazı ilə bağlıdır.

Bunu Teleqraf-ın sorğusuna cavab olaraq Baş Prokurorluğun mətbuat xidmətindən bildiriblər.

Məlumata görə, hazırda məsələ ilə əlaqədar prokurorluqda araşdırma aparılır.

***

10:31

Respublika Təcili və Təxirəsalınmaz Tibbi Yardım Mərkəzinə 5 mart saat 07:50 radələrində Göygöl rayonu, Aşıqlı kəndindən çağırış daxil olub.

Bu barədə Teleqraf-ın sorğusuna cavab olaraq TƏBİB-dən bildirilib.

Qeyd olunub ki, çağırış ünvanına təcili tibbi yardım briqadası cəlb olunub.

Təcili tibbi yardım briqadası tərəfindən 4 nəfərin (1 kişi və 3 qadın cinsli) həkiməqədər ölüm faktı qeydə alınıb.

***

09:58

Göygöldə 4 nəfərin dəm qazından boğularaq ölməsi ilə bağlı TƏBİB-ə müraciət daxil olmayıb.

Bu barədə Teleqraf-ın sorğusuna cavab olaraq TƏBİB-dən bildirilib.

“Ölüm hadisəsi evdə baş verib, buna görə TƏBİB-ə müraciət daxil olmayıb”, - deyə məlumatda qeyd edilib.

***

09:47

Göygöldə 4 nəfərin dəm qazından boğularaq ölməsi ehtimalı hələlik təsdiqlənmir.

Teleqraf-ın yerli bürosu xəbər verir ki, yeni ehtimala görə onlar qidadan zəhərləniblər.

***

09:28

Göygöldə 4 nəfər dəm qazından boğularaq ölüb.

Teleqraf-ın yerli bürosu xəbər verir ki, hadisə Aşıqlı kəndində baş verib.

Hadisə zamanı 1990-cı il təvəllüdlü Səbinə Müseyibova, 1999-cu il təvəllüdlü Seymur Hüseynli və onun bacıları - 2000-ci il təvəllüdlü Münəvvər Hüseynova və 2004-cü il təvəllüdlü Xatirə Hüseynova vəfat edib.

İlkin ehtimala görə, ölən şəxslər dəm qazından zəhərləniblər və Göygöl rayon sakinləri deyil.

Hadisə yerinə polis və prokurorluq orqanı əməkdaşları cəlb olunub.