BAKI, 25 avqust. TELEQRAF

"Sabah" UEFA Çempionlar Liqasının Liqa mərhələsinə vəsiqə qazanıb.

Teleqraf xəbər verir ki, Masazır təmsilçisi pley-off mərhələsinin cavab qarşılaşmasında İsrailin "Hapoel" (Beer-Şeva) klubu ilə qarşılaşıb.

Əsas vaxtda 3:2 qələbə qazanan "bayquşlar" matçı əlavə vaxta daşıyıblar.

Əlavə vaxtda daha 2 qol vuran "Sabah" hesabı 5:2 edib.

Beləliklə, iki oyunun nəticəsinə görə İsrail klubunu 6:4 məğlub edən Masazır təmsilçisi UEFA Çempionlar Liqasının əsas mərhələsinə adlayıb.

***

23:16

"Sabah" "Hapoel"lə matçda 5-ci qolunu vurdu.

Teleqraf xəbər verir ki, matçın 115-ci dəqiqəsində Coy Lens Mikels fərqlənib - 5:2.

***

22:59

"Sabah" "Hapoel"lə matçda 4-cü qolunu vurdu.

Teleqraf xəbər verir ki, matçın 101-ci dəqiqəsində Orfe Embina fərqlənib - 4:2.

***

22:41

"Sabah" hesabda önə keçdi.

Teleqraf xəbər verir ki, təmsilçimiz son dəqiqə qolu ilə "Hapoel"i məğlub edib - 3:2.

İki oyunun nəticəsinə görə, hesab bərabərləşib - 4:4.

Ümumi hesabda qalibi müəyyənləşdirmək üçün qarşılaşmada əlavə vaxt oynanılır.

***

22:21

"Sabah" "Hapoel"lə oyunda hesabı yenidən bərabərləşdirdi.

Teleqraf xəbər verir ki, 76-cı dəqiqədə Umarali Rahmanaliyev fərqlənib.

***

22:08

"Hapoel" "Sabah"la oyunda yenidən hesabda önə keçib.

Teleqraf xəbər verir ki, qonaqların qolunu 61-ci dəqiqədə Guy Qizrahi vurub.

***

21:51

"Sabah" - "Hapoel" matçında ikinci hissə başladı.

***

"Sabah" - "Hapoel" matçında ilk hissə başa çatıb.

Teleqraf xəbər verir ki, birinci yarıda tərəflər hərəyə bir qol vurublar - 1:1.

***

21:23

"Sabah" "Hapoel"lə oyunda hesabı bərabərləşdirdi.

Teleqraf xəbər verir ki, 38-ci dəqiqədə Kristian Nvaçuvku fərqlənib.

***

20:55

"Sabah" - "Hapoel" (İsrail) matçında hesab açılıb.

Teleqraf xəbər verir ki, qonaqlar 10-cu dəqiqədə fərqləniblər.

Qolun müəllifi İqor Zlatanoviç olub.

***

20:45

Bu gün UEFA Çempionlar Liqasının təsnifat mərhələsinin pley-off turunun cavab qarşılaşmalarına start verilib.

Teleqraf xəbər verir ki, Azərbaycan təmsilçisi "Sabah" İsrail klublarından "Hapoel"i (Beer-Şeva) qəbul edir.

Saat 20:45-də start götürən qarşılaşma Tofiq Bəhramov adına Respublika Stadionunda keçirilir.

Görüşü rumıniyalı baş hakim İştvan Kovaç idarə edir.

Qeyd edək ki, tərəflər arasında ilk görüş 2:1 İsrail təmsilçisinin xeyrinə başa çatıb.