BAKI, 9 yanvar. TELEQRAF
Ermənistanın xarici işlər naziri Ararat Mirzoyan Amerika Birləşmiş Ştatlarının Ermənistandakı fövqəladə və səlahiyyətli səfiri Kristina Kuini diplomatik missiyasının başa çatması münasibətilə qəbul edib.
Teleqraf xəbər verir ki, bu barədə Ermənistan XİN məlumat yayıb.
Son illərdə Ermənistanla ABŞ arasında strateji tərəfdaşlığın qurulmasına və onun davamlı inkişafına imkan verən birgə işlərin nəticələri qarşılıqlı məmnuniyyət doğurduğunu bildiriblər.
Digər proqramlar arasında həmsöhbətlər Zəngəzur dəhlizi (TRIPP Yolu) proqramının həyata keçirilməsi üçün atılan addımlara toxunaraq, təşəbbüsün regional əlaqənin və davamlı inkişafın təşviqi baxımından əhəmiyyətini vurğulayıblar.
Mirzoyan səfir Kuininə ikitərəfli münasibətlərin möhkəmləndirilməsinə və tərəfdaşlıq gündəliyinin zənginləşdirilməsinə verdiyi töhfəyə görə təşəkkür edib və ona gələcək fəaliyyətində uğurlar arzulayıb.
