BAKI, 2 oktyabr. TELEQRAF

Tayvan ABŞ-dən planlaşdırılan 66 döyüş təyyarəsinin ilk ikisini alıb.

Teleqraf xəbər verir ki, bu barədə Amerikanın "War Zone" jurnalı məlumat yayıb.

Çəlumata görə, qırıcıların Cənubi Karolina zavodundan daşınması Havayda gözlənilməz texniki gecikmələr səbəbindən bir ay yarım çəkib və onlar oradan yalnız oktyabrın əvvəlində Quam adasına çatıblar.

Ümumi dəyəri təxminən 8 milyard dollar olan müqavilənin icrası təchizat zəncirindəki fasilələr, pandemiyanın təsirləri və yeni Viper Shield elektron müharibə sisteminin uzun müddətli inkişafı səbəbindən dəfələrlə təxirə salınıb.

"War Zone" şirkətinin məlumatına görə, gələn təyyarələr APG-83 SABR radarları və IRST21 Legion-ES infraqırmızı hədəf aşkarlama sistemləri ilə təchiz olunub. İlin sonuna qədər əlavə çatdırılmalar gözlənilir və daha 63 təyyarə ABŞ-da müxtəlif montaj və sınaq mərhələlərindədir.