BAKI, 22 avqust. TELEQRAF
ABŞ Prezidentinin Belarus üzrə xüsusi elçisi Con Koul "The New York Times " (NYT) qəzetinə verdiyi müsahibədə 2025-ci ildə Belarus Prezidenti Aleksandr Lukaşenko ilə ilk görüşü zamanı Avropa siyasətçilərini "bir dəstə qorxaq" adlandırdığını bildirib.
Teleqraf xəbər verir ki, C.Koul deyib: "Lukaşenko Avropa liderlərinə görə qəzəbləndi, ona görə də dedim: "Onlar bir dəstə qorxaqdır". Bilirdim ki, o, vəziyyəti sakitləşdirmək üçün məhz bunu eşitmək istəyir. Bundan sonra o, məni bəyəndi. Amma avropalılar bəyənmədilər".
"The New York Times" qəzetinin yazdığına görə, Koul qeyd edib ki, əslində o, Avropa liderləri haqqında daha incə bir baxışa malikdir.
2025-ci ilin sentyabr ayından bəri Kol Lukaşenko ilə danışıqlar aparmaq üçün bir neçə dəfə Minskə uçub. 2026-cı ilin iyun ayının ortalarında Kol tezliklə yenidən Minskə səfər edə biləcəyini açıqlayıb.
