BAKI, 7 aprel. TELEQRAF
Küveyt hakimiyyəti əhalidən 8 aprel gecəsi evdə qalmağı və mütləq zərurət olmadığı təqdirdə çölə çıxmamağı xahiş edib.
Teleqraf xəbər verir ki, bu barədə Küveyt Daxili İşlər Nazirliyinin xüsusi bəyanatında bildirilib.
Bəyanatda deyilir: "Daxili İşlər Nazirliyi sakinləri 7 aprel çərşənbə axşamı gecə yarısından 8 aprel çərşənbə günü səhər saat 7:00-dək evdə qalmağa və fövqəladə hallar istisna olmaqla, çölə çıxmamağa çağırır".
Nazirlik qeyd edib ki, müraciət ictimai təhlükəsizliyin və hüquq-mühafizə orqanlarının öz vəzifələrini səmərəli şəkildə yerinə yetirmə qabiliyyətinin təmin edilməsi üçün zəruri olan ehtiyat tədbiridir.
