BAKI, 23 mart. TELEQRAF
İsrail hakimiyyəti Vaşinqtonun İran parlamentinin spikeri Məhəmməd Baqer Qalibafla əlaqə saxladığına inanır.
Teleqraf xəbər verir ki, bu barədə "N12" televiziya kanalı yüksək vəzifəli israilli mənbəyə istinadən məlumat verib .
Mənbə həmçinin bildirib ki, İsrail bir neçə ölkənin İran və ABŞ arasında danışıqlara başlamaq üçün vasitəçilik səyləri göstərdiyindən xəbərdardır, lakin İsrail tərəfi ABŞ Prezidenti Donald Trampın bu əlaqələrin irəlilədiyi barədə açıqlamasından təəccüblənib.
Tramp əvvəllər "Truth Social"da yazırdı ki, ABŞ və İran son iki gündə Yaxın Şərqdəki hərbi əməliyyatlara son qoymaq üçün konstruktiv danışıqlar aparıblar. O həmçinin Pentaqona İranın enerji infrastrukturuna zərbələri beş gün təxirə salmağı əmr etdiyini açıqlayıb. Amerika lideri jurnalistlərə bildirib ki, həm ABŞ, həm də İran razılığa gəlmək istəyini nümayiş etdirir və iki tərəfin əsas razılaşma nöqtələri var.
