BAKI, 25 fevral. TELEQRAF
Braziliyanın Minas-Jerays ştatında leysan yağışlar nəticəsində 30 nəfər ölüb, 39 nəfər isə itkin düşüb.
Teleqraf xəbər verir ki, bu barədə CNN Brasil məlumat yayıb.
Məlumata görə, güclü yağışlar ştatda daşqınlar və torpaq sürüşmələrinə səbəb olub. Ən böyük ziyan Zhuyis-di-Fora və Uba şəhərlərində qeydə alınıb. Təxminən 440 nəfər evsiz qalıb. Dağıntılar altından 13 nəfər xilas edilib, ümumilikdə 208 yaralıya yardım göstərilib və onlara tibbi xidmət təmin edilir.
Braziliyanın vitse-prezidenti Jeraldu Alkmin bildirib ki, hökumət xilasetmə əməliyyatlarında helikopterlər və hərbi texnika daxil olmaqla silahlı qüvvələri cəlb edib. Evsiz qalan sakinlərə ilkin maliyyə yardımı olaraq 800 Braziliya realı (təxminən 155 ABŞ dolları) veriləcək. Bu vəsaitlər yerli hakimiyyət orqanlarına yataq, geyim və ərzaq alınması üçün göndəriləcək.
