BAKI, 10 avqust. TELEQRAF
Avropa İttifaqı liderləri ABŞ Prezidenti Donald Trampı Rusiya ilə danışıqları "yalnız atəşkəs kontekstində" aparmağa çağırıb.
Teleqraf xəbər verir ki, bu barədə Avropa Komissiyasının rəhbəri və Aİ-yə daxil olmayan Almaniya, Fransa, İtaliya, Polşa, Finlandiya və Böyük Britaniya liderlərinin birgə bəyanatında deyilir.
Liderlər ABŞ Prezidentindən "Ukrayna və Avropanın həyati təhlükəsizlik maraqlarını qorumağa" səsləyiblər.
Sənədin giriş hissəsində onun “ABŞ Prezidenti Donald Trampla Rusiya Prezidenti Vladimir Putin arasında planlaşdırılan görüşdən əvvəl” qəbul edildiyi qeyd olunub.
"Biz diplomatik həll yolunun Ukrayna və Avropanın həyati təhlükəsizlik maraqlarını qorumalı olduğu qənaətindəyik. Hesab edirik ki, bu həyati maraqlar Ukraynanın təhlükəsizliyi üçün güclü və etibarlı təminatlara ehtiyacı ehtiva etməlidir", - sənəddə deyilir.
Avropa liderlərinin fikrincə, “məzmunlu danışıqlar yalnız atəşkəs və ya hərbi əməliyyatların intensivliyinin əhəmiyyətli dərəcədə azaldılması kontekstində baş tuta bilər”.
