BAKI, 2 aprel. TELEQRAF

Atom Enerjisi üzrə Beynəlxalq Agentliyin rəhbəri Rafael Qrossi özünü BMT-nin növbəri baş katibi vəzifəsində görür.

Teleqraf xəbər verir ki, La Nasion nəşri məlumatı diplomatın özünə istinadən yayıb.

Məlum olduğu kimi, 2026-cı ildə BMT-nin hazırki Baş katibi Antonio Qutterişin mandatı başa çatır. Onun varisinin müəyyənləşmə prosesi isə ilin sonunda başlayacaq. Bu zaman qurumun Baş Assambleyası çərçivəsində namizədlərin irəli sürülməsi ilə bağlı elanı dərc edəcək.

MAQATE rəhbəri bu proseslərdə iştirak etmək niyyətindən danışıb: "Mən bu barədə düşünürəm, özü də çox ciddi düşünürəm".

Qeyd edək ki, 64 yaşlı diplomat əvvəllər Argentinanın Avstriyadakı səfiri və müxətlif qurumlardakı daimi təmsilçisi olub. 2019-cu ilin dekabrından MAQATE-nin baş direktorudur.