BAKI, 2 aprel. TELEQRAF

London yeni Xarici Təsirlərin Qeydiyyatı Sistemi (FIRS) çərçivəsində Rusiyanı ən yüksək təhlükə doğuran ölkələr kateqoriyaya daxil edib.

Teleqraf xəbər verir ki, bundan sonra ölkədə Rusiya dövlət qurumları ilə əməkdaşlıq edənlər xüsusi qeydiyyatdan keçməli olacaqlar.

Bu barədə Böyük Britaniyanın daxili işlər nazirinin müavini Den Carvis məlumat verib.

London bundan əvvəl “milli təhlükəsizliyə ciddi təhdid” yaradan ölkələr kateqoriyasına yalnız İranı daxil etmişdi.

Nazir müavini son illərdə Rusiyanın düşmənçilik hərəkətlərinin zəhərli sui-qəsdlərdən, casusluqdan, yanğından tutmuş kiberhücumlara, o cümlədən deputatların şəxsi məlumatlarına qeyri-qanunu müdaxiləyə qədər uzanıb.

Britaniya rəsmisi bildirib ki, FIRS 2023-cü il Milli Təhlükəsizlik Aktı çərçivəsində tətbiq edilib. Sistem bu ilin iyulunda fəaliyyətə başlayacaq. Britaniya hakimiyyəti bildirir ki, Rusiya hakimiyyət orqanları, silahlı qüvvələr, polis, kəşfiyyat, parlament və siyasi partiyalarla əməkdaşlıq qeydiyyatdan keçməli olacaq.

Associated Press qeyd edir ki, FIRS-də qeydiyyatdan keçməyənləri beş ilə qədər həbs gözləyir.

Rusiya hakimiyyəti Londonun bəyanatını hələlik şərh etməyib.